Proyecto Bantaba
Gizartea mugimenduan

Testuaren egileek, Nodo 50-ko kideak, “honen helburua darabilzkigun eta garabiltzaten sareetan zehar dabiltzan hari eta zuntzetatik gertatzen eta mugitzen ari denaren erradiografia egitea besterik ez dela” diote. Horretarako lehenik, politikan sare telematikoen erabilerari buruzko hurbilketa historiko laburra (eta oso erabilgarria) egiten dute. Ondoren, atal batetan hauetako kasu aipagarrienetako batzuk biltzen dituzte. Hala nola, teknologia berrietarako gizarte mugimenduen sarbidea, Irak-eko gudaren aurkako mobilizazioak eta hauetan Internet-ek izan duen eginkizuna, eta gizarte mugimendu berri baten sorrera, hackerrak. Jarraian Internet-en erabileraren inguruan Nodo50-en egindako inkestaren emaitzak azaltzen dira. Azkenik, ikasketaren zati mardula globalizazio kapitalistaren aurkako erresistentzia taldeei eskaintzen zaie, eta zehazki, arestian aipatutako mugimenduen osagarri gisa agertzen den baliabide telematiko berri, eta biziki interesgarria den Indymedia-ri buruz.