Munduratzeko bidean omen dagoen nazioarte-mailako ekonomiaren analisietan, gero eta ugariagoak dira prosezu horren norabidearen inguruko eztabaidak, alde batetik, fenomeno honek sortzen dituen ondorioen gainekoak, eta bestetik, "erregionalismoa vs. multilateralismoa" dikotomiari buruzkoak. Maila teoriko huts batetik urrunduta, aipatutako eztabaiden garrantzia azpimarratu beharra dago, gehientzat munduko ekonomia desfaboratuen ikuspegitik, horretan oinarritutako proposamenetan egon baitaiteke euren garapen-estrategien arrakastarako gakoa.