Izenburua | Emakume migratzaileak, bidaiari akigaitzak | |
|---|---|---|
Egilea | Autore desberdinak | |
Iturria | Harresiak Apurtuz, 2006 | |
Edukiak | Emakumeen alderako begirada itsuak, emakumeak migratzera bultzatzen dituzten eta lanean nola gizartean integratzeko dituzten genero baldintzak ez ikusi nahi izate horrek, ondorio bat dakar: migrazioaren fenomenoa behar bezala ezin aztertua. Oraindik orain gizarte ikerketek gizona hartzen dute gehienbat erreferentziatzat, edo familia neutraltasuna zaindu nahi denean, bazterrera utzirik emakumeek daukaten pisu gero eta handiagoa.
Argitalpen honetan biltzen ditugu Harresiak Apurtuz taldeak antolatutako ikastaroetan zehar gai honetan adituak diren emakumeek egin dituzten ekarpenak. Funtsean, argitalpen honen asmoa ikerlari horien lan eta gogoetak ezagutaraztea da, lagundu diezaguten gainditzen migrazio fenomenoa ulertu eta kudeatzeko erabili ohi ditugun ikuspegi androzentriko eta etnozentrikoak, askotan emakume migratzaileak pairatzen duten bazterketa areagotzeko baino ez direnak. | |
pdf dokumentua (1520 kB)